Հայկական կողմն ադրբեջանական ևս երկու ԱԹՍ է խոցել

ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Արցախի նկատմամբ Ադրբեջանի սանձազերծած լայնածավալ ռազմական գործողությունների ընթացքում հայկական կողմը Ադրբեջանի ԶՈւ ևս երկու անօդաչու թռչող սարք է խոցել: «Արմենպրես»-ի փոխանցմամբ` այս մասին «Ֆեյսբուք»-ի իր էջում գրել է ՀՀ Պաշտպանության նախարարության ներկայացուցիչ Արծրուն Հովհաննիսյանը:

«Զգետնումը շարունակվում է, ևս երկու ԱԹՍ»,- գրել է Հովհաննիսյանը:

Հակառակորդը հոկտեմբերի 2-ի, ժամը 21:00-ի ամփոփված տվյալների համաձայն` հոկտեմբերի 2-ին ունեցել է 540 սպանված, ավելի քան 700 վիրավոր, նաև 45 միավոր զրահատեխնիկայի, 6 ինքնաթիռի, որոնցից մեծ մասն օդում չեն խոցվել, 3 ուղղաթիռի և 6 ԱԹՍ-ի կորուստ: