ՀԾԿՀ-ն համաձայնություն է տվել «ՎԵՈՆ ԱՐՄԵՆԻԱ» ընկերության բաժնետոմսերը «ԹԻՄ» ՍՊԸ-ին օտարելուն
1 րոպեի ընթերցում
ԵՐԵՎԱՆ, 10 ՀՈՒԼՒՍԻ, ԱՐՄԵՆՊՐԵՍ։ ՀՀ հանրային ծառայությունները կարգավորող հանձնաժողովի նիստում քննարկվել է «ՎԵՈՆ ԱՐՄԵՆԻԱ» ՓԲԸ-ի կանոնադրական կապիտալը կազմող բաժնեմասի օտարմանը համաձայնություն տալու մասին հարցը: «Արմենպրես»-ին այս մասին հայտնեցին ՀՀ հանրային ծառայությունները կարգավորող հանձնաժողովից։
«Հանձնաժողովը համաձայնություն տվեց «ՎԵՈՆ ԱՐՄԵՆԻԱ» ընկերության 100 տոկոս բաժնետոմսերը «ԹԻՄ» սահմանափակ պատասխանատվությամբ ընկերությանն օտարելուն»,- ասված է ՀԾԿՀ-ի հաղորդագրության մեջ։
