Ռեանիմացիայում գտնվող 1 պացիենտի համար՝ մոտ 1 մլն դրամ. Թորոսյանն անդրադարձավ բուժման ծախսերին
2 րոպեի ընթերցում
ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: ՀՀ առողջապահության նախարար Արսեն Թորոսյանը ներկայացրեց, թե կորոնավիրուսով վարակված մեկ պացիենտի համար որքան գումար է ծախսվում: «Արմենպրես»-ի մամուլի սրահում հրավիրված ասուլիսում նա նախ նշեց, որ այդ հարցի պատասխանը չկա, որովհետև հիվանդները բուժվում են տարբեր ԲԿ-ներում ՝ տարբեր անձնակազմով և տարբեր հագեցվածությամբ: Այդ բժշկական հաստատությունները ֆինանսավորվում են հիմնականում պահպանման ծախսերով: «Եվ կախված հիվանդանոցային մահճակալների զբաղվածությունից՝ շատ մոտավոր է հնարավոր ասել, թե այս ԲԿ-ում մեկ պացիենտի միջին ծախսն ինչքան է, մեկ այլ պացիենտի միջին ծախսն ինչքան է: Սակայն կան նաև հաստատված գներ մեր կողմից, որոնցով մենք վճարում ենք այն բժշկական կենտրոններին, որոնք ամբողջությամբ չէ, որ զբաղվում են կորոնավիրուսային հիվանդությամբ, այլ ունեն կորոնավիրուսային բաժանմունքներ: Եթե չեմ սխալվում, մեկ «ռեանիմացիոն» պացիենետի համար՝ միջին հոսպիտալացման տևողությամբ, մոտավորապես 1 մլն դրամ գումար էր ստացվում»,-ասաց նախարարը:
Հայաստանումհուլիսի7-իդրությամբհաստատվելէկորոնավիրուսայինհիվանդությանընդհանուր29285դեպք,որոնցից16907-ն`առողջացած:Այսպահինփաստացիբուժումէստանումկորոնավիրուսայինհիվանդությամբ11711պացիենտ:Ընդհանուրառմամբ,կատարվելէ12 5088թեստավորում:Ընդհանուրառմամբ,կորոնավիրուսայինհիվանդությունիցարձանագրվելէմահվան503դեպք:
Աննա Գրիգորյան