1 րոպեի ընթերցում
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Կառավարության արտահերթ նիստում վարչապետՆիկոլ Փաշինյանն անդրադարձավ կոմունալ վճարները փոխհատուցելու որոշմանն ու ներկայացրեց պարզաբանում: «Հայաստանում կոմունալ վարձերը վճարելու շատ բարձր կուլտուրա կա։ Մենք ուզում ենք այնպիսի քաղաքականություն վարել, որ այդ կուլտուրային որևէ ձևով չվնասենք,որովհետև դա շատ կարևոր է ու այդ պատճառով 50 տոկոսով ենք փոխհատուցում գազի ու էլեկտրաէներգիայի ծախսերը», - «Արմենպրես»-ի փոխանցմամբ, նշեց վարչապետը։
ՓոխվարչապետՄհեր Գրիգորյաննէլ ասաց, որ վերցրել են փետրվար ամսվա բազան, քանի որ փետրվարը խոշորագույն սպառման ամիս է։
Կառավարությունը հակաճգնաժամային 11-րդ միջոցառմամբ 50 տոկոսով կփոխհատուցի գազի ու էլեկտրաէներգիայի վարձավճարները, եթե գազի վճարը չի գերազանցել 10 հազար, էլեկտրաէներգիայինը՝ 5 հազար դրամը։