ერევანი, 14 ნოემბერი, არმენპრესი. სომხეთის უშიშროების საბჭოს მდივანმა არმენ გრიგორიანმა მიიღო ევროკავშირის სამოქალაქო სადამკვირვებლო მისიის შუალედური სტრატეგიული შეფასების ფაქტების დამდგენი მისია, რომელსაც ხელმძღვანელობს მშვიდობის, პარტნიორობისა და კრიზისების მართვის დირექტორატის ხელმძღვანელი ჟილ როსტენი. „არმენპრესის“ ცნობით, ამის შესახებ გრიგორიანმა „ფეისბუქში“, საკუთარ გვერდზე დაწერა.

„მე ძალიან ვაფასებ ევროკავშირის სამოქალაქო სადამკვირვებლო მისიის მუშაობას და კიდევ ერთხელ დავადასტურე სომხეთის მზადყოფნა გააგრძელოს მისიის მუშაობის მხარდაჭერა“, - ნათქვამია პოსტში.

მხარეებმა მაღალი შეფასება მისცეს სომხეთ-ევროკავშირის პარტნიორობას და განიხილეს შემდგომი თანამშრომლობის შესაძლო გზები.