Դադարեցվում է «Ջիգոս Ջելրի» ՍՊԸ-ի՝ «Մերիդիան» ԱՏԳ-ում ներառվելու վկայականի գործողությունը
11:47, 12 Դեկտեմբեր 2019
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: «Ջիգոս Ջելրի» ՍՊԸ-ի՝ «Մերիդիան» ազատ տնտեսական գոտու շահագործողների ռեեստրում ներառվելու վկայականի գործողությունը դադարեցվում է:
Ինչպես փոխանցում է «Արմենպրես»-ը, այդ մասին որոշումն ընդունվեց կառավարության նիստում:
«Մերիդիան» ազատ տնտեսական գոտու շահագործողների ռեեստրում ներառվելու վկայականի գործողությունը դադարեցվել է համաձայն «Ազատ տնտեսական գոտիների մասին» ՀՀ օրենքի 7-րդ Հոդվածի 10-րդ մասի 1-ին կետի ա) ենթակետի (Շահագործողների ռեեստրից շահագործողը հանվում է իրավունքի ուժով`կազմակերպչի և շահագործողի միջև պայմանագրի լուծման դեպքում)»,- ասված է հիմնավորման մեջ:
Բաժանորդագրվեք մեր ալիքին Telegram-ում