Ժամանակը Երևանում՝ 11:07:36,   9 Դեկտեմբեր

Սերբիայի նախագահին դուրս են գրել հիվանդանոցից

Սերբիայի նախագահին դուրս են գրել հիվանդանոցից
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Սերբիայի նախագահ Ալեքսանդար Վուչիչը դուրս Է գրվել Բելգրադի ռազմաբժշկական ակադեմիայից (ՌԲԱ), ուր նրան նոյեմբերի 15-ին հոսպիտալացրել Էին կարդիովասկուլյար խնդիրների պատճառով: Այդ մասին, ինչպես տեղեկացնում Է «Արմենպրես»-ը, նոյեմբերի 18-ին հայտնել Է երկրի ազգային հեռուստատեսությունը:
Նշվում Է, որ նախագահի վիճակը կայուն Է, եւ նա հիվանդանոցից դուրս Է գրվել տուն:
Ավելի վաղ նախագահի՝ ԶԼՄ-ների հարեցերով խորհրդական Սուզանա Վասիլեւիչը պատմել Է, որ Սերբիայի ղեկավարը բոլոր հիվանդությունները տանում Է ոտքի վրա, սակայն այս անգամ իրադրությունն այնքան լուրջ Էր, որ նա ինքն Է դիմել օգնության: Վուչիչի առողջության կապակցությամբ անհանգստություն են հայտնել աշխարհի բազմաթիվ քաղաքական գործիչներ՝ Էմանուել Մակրոնից մինչեւ Անգելա Մերկելը, հայտնել Է խորհրդականը:
Ինչպես ավելի վաղ հայտնել Է Սերբիայի առողջապահության նախարար Զլատիբոր Լոնչարը, Սերբիայի ղեկավարի կյանքն սպառնալիքի տակ Էր, սակայն ՌԲԱ-ի բժիշկները փրկեցին նրան: Նախարարի խոսքով՝ Վուչիչը սրտի հետ կապված ոչ մեծ խրոնիկական խնդիրներ ունի, բայց նոյեմբերի 15-ի երեկոյան տեղի Է ունեցել նրա վիճակի լուրջ վատացում, եւ նա որոշել Է դիմել բժիշկներին: Վերջիններս եզրակացրել են, որ նախագահի կյանքը վտանգված Է: ՌԲԱ-ի աշխատակիցները շտապ կարգով անհրաժեշտ միջոցներ են ձեռնարկել, իսկ նախագահի օրգանիզմը լավ Է արձագանքել թերապիային, հաղորդել Է ՏԱՍՍ-ը:



youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ