Վանաձոր-Դիլիջան ավտոճանապարհի մոտ գտնվող «Եղշատի մատեր» հանդամասում այրվել է մոտ 5 հա խոտածածկույթ
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը նոյեմբերի 14-ին, ժամը 10:41-ին տեղեկություն է ստացել, որ Վանաձոր-Դիլիջան ավտոճանապարհի մոտ՝ «Եղշատի մատեր» կոչվող հանդամասում, այրվում է չոր խոտածածկույթ:
Դեպքի վայր են մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ, մարզային փրկարարական վարչության և հրշեջ-փրկարարական ջոկատի օպերատիվ խմբերը:
Հրդեհը մեկուսացվել է ժամը 11։56-ին, մարվել՝ 13։20-ին:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, այրվել է մոտ 5 հա խոտածածկույթ։ Հրդեհաշիջման աշխատանքներին մասնակցել է «Հայանտառ» ՊՈԱԿ-ի «Գուգարքի անտառտնտեսություն» մասնաճյուղի 7 աշխատակից:
Բաժանորդագրվեք մեր ալիքին Telegram-ում