ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Իրանի գերագույն ղեկավար Ալի Խամենեին ներում Է շնորհել երկրի անվտանգության դեմ հանցագործություններում մեղադրված 32 մարդու: Այդ մասին, ինչպես տեղեկացնում Է «Արմենպրես»-ը, հայտնել Է IRIB հեռուստառադիոընկերությունը:

Խամենեին համաձայնել Է Իրանի դատական իշխանության ղեկավար Իբրահիմ Ռայիսիի համապատասխան առաջարկությանը, գրում Է IRIB-ը իր Telegram-ալիքում, նշելով, որ դատական իշխանությունների կողմից նման առաջարկություն արվել Է առաջին անգամ:

Իր հերթին Tasnim գործակալությունը գրում Է, որ այդ 32 մարդիկ ազատ կարձակվեն, նրանց թվում են՝ ուսանողներ եւ զանգվածային լրատվամիջոցների ներկայացուցիչներ: Բացի այդ, Խամենեին, նրա պաշտոնական կայքում զետեղված հաղորդագրության համաձայն, համաձայնել Է ներում շնորհել 3552 մարդու:

Իրանում համաներումը հազվադեպ երեւույթ չԷ եւ հայտարարվում Է հիմնականում կրոնական տոների եւ նշանակալի իրադարձությունների առթիվ, հաղորդել Է ՌԻԱ Նովոստին: