Ժամանակը Երևանում՝ 11:07:36,   13 Դեկտեմբեր

Արարատ Միրզոյանը Գևորգ Պետրոսյանին որոշել է տալ ևս մեկ հնարավորություն

Արարատ Միրզոյանը Գևորգ Պետրոսյանին որոշել է տալ ևս մեկ հնարավորություն

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովի նախագահ Արարատ Միրզոյանը որոշել է «Բարգավաճ Հայաստան» խմբակցության անդամ Գևորգ Պետրոսյանին չզրկել խորհրդարանում ձայնի իրավունքից՝ տալով նրան ևս մեկ հնարավորություն:

«Արմենպրես»-ի փոխանցմամբ՝ այս մասին նոյեմբերի 14-ին Ազգային ժողովում լրագրողների հետ զրույցում ասաց Միրզոյանը, անդրադառնալով օրենքի նախագծերից մեկի քննարկման ընթացքում ԱԺ ամբիոնից Պետրոսյանի կողմից հնչեցված խոսքերին իր արձագանքին, երբ Միրզոյանը խնդրեց իրեն տրամադրել պատգամավորին ձայնից զրկելու վերաբերյալ իրավական կարգավորման հոդվածը:

«Որևէ քննարկում այդ մասին չեմ ունեցել այդ միջադեպից հետո ո՛չ Գևորգ Պետրոսյանի, ո՛չ «Բարգավաճ Հայաստան» խմբակցության այլ անդամների հետ: Ես ցանկացա տեսնել այդ հոդվածը ևս մեկ անգամ, հետո որոշեցի առայժմ չդիմել այդ քայլին, որովհետև ես միշտ ցանկանում եմ նորից մարդուն հնարավորություն տալ մնալ էթիկայի նորմերի շրջանակներում, լիահույս եմ, որ այդպես էլ կլինի: Եթե չլինի, այդ նորմը կա»,- ասաց Միրզոյանը:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ