Ժամանակը Երևանում՝ 11:07:36,   13 Նոյեմբեր

Առանձնացրել ենք 10 առաջնային վայրերը, որտեղ կարիք կլինի իրականացնել ռեկուլտիվացիա. Էրիկ Գրիգորյան

Առանձնացրել ենք 10 առաջնային վայրերը, որտեղ կարիք կլինի իրականացնել 
ռեկուլտիվացիա. Էրիկ Գրիգորյան

ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Շրջակա միջավայրի նախարարությունը Հայաստանում 44 թափոնակույտ լքված հանքավայրից առանձնացրել է 10 առաջնային վայրերը, որտեղ կարիք կլինի ռեկուլտիվացիա անել, վերականգնել: Այդ մասին կառավարության նիստից հետո լրագրողների հետ զրույցում նշեց Շրջակա միջավայրի նախարար Էրիկ Գրիգորյանը:

«Արդեն այս տարի կփորձենք նախագծա-նախահաշվային աշխատանքների համար գումար ստանալ: Այնտեղ տեղեր կան, որ կատաստրոֆիկ վիճակում են: Լքված պոչամբար է, բայց մարդիկ տնտեսական գործունեություն են ծավալում: Ասենք, ավտոլվացման կետ են բացել: Այնտեղ նույնիսկ վտանգավոր է մնալ»,- «Արմենպրես»-ի փոխանցմամբ, ասաց նախարարը՝ ավելացնելով, որ նախկինում երբեք նման ուսումնասիրություն չի կատարվել:

Ըստ նրա, իրականացվել է եռաչափ մոդելավորում, ուսումնասիրվել են ծավալները, չափվել են նյութերը: «Այդ հողերը պետք է ռեկուլտիվացիայի արդյունքում օգտագործելի դառնան»,- ասաց Էրիկ Գրիգորյանը:

 




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ