Աննա Դանիբեկյանի նկատմամբ անհարգալից վերաբերմունքի դեպքի առթիվ ևս մեկ երիտասարդ բերման է ենթարկվել
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Երևան քաղաքի առաջին ատյանի ընդհանուր իրավասության դատարանի դատավոր Աննա Դանիբեկյանի նկատմամբ անհարգալից վերաբերմունք դրսևորելու դեպքի առթիվ քննվող քրեական գործով բերման է ենթարկվել 1991 թվականին ծնված Սարգիս Օհանջանյանը: Ինչպես հաղորդում է «Արմենպրես»-ը, այս մասին հայտնում է քննչական կոմիտեի մամուլի քարտուղար Նաիրա Հարությունյանը:
Նույն գործի շրջանակում ձերբակալվել էր նաև 1993 թվականին ծնված Նարեկ Մութաֆյանը:
ՀՀ ոստիկանությունից հայտնել էին, որ Երևան քաղաքի առաջին ատյանի ընդհանուր իրավասության դատարանի դատավոր Աննա Դանիբեկյանը հետապնդվել և ենթարկվել է ճնշումների։ Փաստի առթիվ ընդունված հաղորդման հիման վրա ոստիկանության Շենգավիթի բաժնում քրեական գործ է հարուցվել ՀՀ քրեական օրենսգրքի 343-րդ հոդվածի (դատարանի նկատմամբ անհարգալից վերաբերմունք ցուցաբերելը) հատկանիշներով։
Բաժանորդագրվեք մեր ալիքին Telegram-ում