Կայլա Քեշմեշյանը ճանաչվեց Եվրոպայի Մ18 տարեկանների C դիվիզիոնի լավագույն բասկետբոլիստուհի
15:10, 5 Օգոստոս 2019
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Բասկետբոլի մինչև 18 տարեկանների Հայաստանի կանանց թիմի անդամ Կայլա Քեշմեշյանը ճանաչվել է Եվրոպայի առաջնության C դիվիզիոնի լավագույն բասկետբոլիստուհի:
«Արմենպրես»-ի փոխանցմամբ` Անդորրայում տեղի ունեցած առաջնության եզրափակիչի՝ Մալթայի դեմ խաղում Քեշմեշյանը վաստակել է 24 միավոր:
Մրցաշարի ընթացքում 15-ամյա բասկետբոլիստուհու միջին ցուցանիշները կազմել են 17,5 միավոր և 6 փոխանցում:
Օգոստոսի 4-ին Եվրոպայի Մ18 տարեկանների C դիվիզիոնի առաջնության չեմպիոն է դարձել Հայաստանի հավաքականը` Մալթայի ընտրանուն եզրափակիչում հաղթելով 73:79 հաշվով:
Բաժանորդագրվեք մեր ալիքին Telegram-ում