Հայաստանը հրաշալի էր կազմակերպել Եվրո-2019-ը. Պորտուգալիայի մարզիչ
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Պորտուգալիայի ֆուտբոլի մինչև 19 տարեկանների ազգային թիմի գլխավոր մարզիչ Ֆելիպե Ռամոսի կարծիքով Իսպանիան արժանիորեն դարձավ Եվրոպայի այդ տարիքային խմբի չեմպիոն:
«Արմենպրես»-ի հաղորդմամբ՝ լրագրողների հետ հանդիպման ժամանակ Ռամոսը շնորհավորեց հակառակորդ թիմին հաղթանակի կապակցությամբ: «Բավականին լավ խաղ ստացվեց և Իսպանիան արժանիորեն հաղթեց Եվրոպայի մինչ 19 տարեկանների առաջնության եզրափակչում»,-ասաց նա:
Ռամոսի խոսքով՝ Իսպանիայի գրոհներն ավելի արդյունավետ ստացվեց և նրանք կարողացան երկու գոլ խփել: «Հրաշալի մրցաշար անցկացվեց Երևանում: Կազմկոմիտեն ֆանտաստիկ աշխատանք էր կատարել: Լիահույս եմ մի օր նրից վերադառնալ Հայաստան»,-եզրափակեց նա:
Երևանում կայացած Եվրոպայի մինչև 19 տարեկանների առաջնության եզրափակչում Իսպանիան Տարոսի դուբլի շնորհիվ հաղթեց գործող չեմպիոն Պորտուգալիային և դարձավ գավաթակիր՝ այդ տիտղոսը նվաճելով ռեկորդային՝ 8-րդ անգամ:
Բաժանորդագրվեք մեր ալիքին Telegram-ում