Վալերիյ Օսիպյանը անակնկալ այց է կատարել ոստիկանության Սևանի բաժին
18:18, 23 Հուլիս 2019
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: ՀՀ ոստիկանության պետ Վալերիյ Օսիպյանը հուլիսի 23-ին անակնկալ այց է կատարել ոստիկանության Սևանի բաժին:
Նա եղել է տարածքային ստորաբաժանման բոլոր ծառայություններում, հետաքրքրվել Սևան քաղաքում և լճափնյա տարածքներում իրականացվող ծառայության մասին:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, Վալերիյ Օսիպյանը հանձնարարել է կարճ ժամանակում գտնել այցի ընթացքում հայտնաբերված խնդիրների լուծումները:
Բաժանորդագրվեք մեր ալիքին Telegram-ում