Ալեքսանդր Կարապետյանը պաշտոնապես առաջին հանդիպումն անցկացրեց «Սոչի»-ի կազմում
23:29, 13 Հուլիս 2019
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Հայաստանի ֆուտբոլի ազգային թիմի հարձակվող Ալեքսանդր Կարապետյանը պաշտոնապես առաջին հանդիպումն անցկացրեց «Սոչի»-ի կազմում:
«Արմենպրես»-ի հաղորդմամբ՝ ֆուտբոլի Ռուսաստանի առաջնության անդրանիկ տուրում «Սոչի»-ն արտագնա խաղում մրցեց «Սպարտակ»-ի հետ և պարտվեց նվազագույն հաշվով:
Հայաստանի ազգային թիմից Ալեքսանդր Կարապետյանն, ով նոր է տեղափոխվել ռուսական ակումբ, մեկնարկային կազմում չէր, սակայն փոխարինման դուրս եկավ 58-րդ րոպեին:
Հաջորդ տուրում «Սոչի»-ն կխաղա «Զենիթ»-ի հետ սեփական հարկի տակ:
Բաժանորդագրվեք մեր ալիքին Telegram-ում