Ժամանակը Երևանում՝ 11:07:36,   21 Հուլիս

Պոլսի Հայոց պատրիարքությունում տեղապահի ընտրությունների հետաձգման պատճառները դեռ հայտնի չեն


ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Պոլսի Հայոց պատրիարքի տեղապահի՝ հունիսի 27-ին կայանալիք ընտրությունների հետաձգման պատճառները դեռ հայտնի չեն:  

Ինչպես հաղորդում է «Արմենպրես»-ը՝ հետաձգման մասին հայտել էր հայկական «Agos»-ը «Ֆեյսբուք»-ի իր էջում գրառման միջոցով: Հայտարարության մեջ նշված է, որ Ստամբուլի նահանգապետարանից ստացված հաղորդագրության համաձայն՝ տեղապահի ընտրությունները հետաձգվել են և տեղի կունենան 2019թ. հուլիսի 4-ին:

2019թ. մարտի 8-ին պատրիարք Մութաֆյանի մահից հետո սկսվել է մի գործընթաց, որը պետք է ավարտվի նոր պատրիարքի ընտրություններով: Հունիսի 18-ին Կ.Պոլսի Հայոց պատրիարքության Կրոնական ժողովի որոշմամբ պատրիարքի տեղապահի ընտրությունների օր էր նշանակվել հունիսի 27-ը:

 




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ