ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: ԱՄՆ Սննդամթերքի ու դեղորայքի վարչությունը թույլ է տվել ԱՄՆ տարածքում վաճառել IQOS ծխախոտի տաքացման համակարգը։ «Արմենպրես»-ի փոխանցմամբ՝ գործակալության հայտարարության մեջ նշվում է, որ IQOS-ի վաճառքը թույլատրելը համահունչ է հանրային առողջությունը պաշտպանելու իրենց առաքելությանը, քանի որ ի թիվս այլ դիտարկումների սարքը ավելի քիչ վնասակար նյութեր է արտազատում, քան սիգարետը կարող է օգնել չափահաս ծխողներին ամբողջապես հրաժարվել սիգարետ ծխելուց։

ԱՄՆ Սննդամթերքի ու դեղորայքի վարչությունը (US FDA, www.fda.gov)  ապրիլ 30-ին հայտարարել է, որ ԱՄՆ տարածքում թույլատրվել է Ֆիլիպ Մորրիս ընկերության կողմից արտադրվող IQOS ծխախոտի տաքացման համակարգի վաճառքը։ IQOS-ը էլեկտրոնային սարք է, որը տաքացնում է հատուկ ձևով մշակված ծխախոտի գլանակները, ինչի արդյունքում առաջանում է ոչ թե ծուխ, այլ նիկոտին պարունակող գոլորշի: Երիտասարդների համար արտադրանքի հասանելիությունը սահմանափակելու նպատակով FDA-ը IQOS-ի մարքեթինգի նկատմամբ  սահմանափակումներ է կիրառելու։

IQOS-ը համապատասխանում է ԱՄՆ-ում հանրային առողջության պահպանման սկզբունքներին.

Ֆիլիպ Մորրիսի կողմից ներկայացված դիմումի խստապահանջ գիտական վերանայումից հետո, ԱՄՆ FDA-ը սահմանել է, որ IQOS արտադրատեսակը համապատասխանում է ԱՄՆ-ում հանրային առողջության պահպանման սկզբունքներին մի քանի կարևորագույն նկատառումներով, մասնավորապես՝ սարքն ավելի քիչ վնասակար նյութեր է արտազատում, քան սիգարետը:

Միևնույն ժամանակ, ինչպես նշվում է FDA-ի տարածած հաղորդագրության մեջ, ԱՄՆ տարածքում IQOS-ի վաճառքը թույլատրելը չի նշանակում, որ այդ արտադրանքը անվտանգ է։ Բոլոր ծխախոտային արտադրատեսակները զերծ չեն ռիսկերից ու կախվածություն են առաջացնում, և լավագույն տարբերակն այն մարդկանց համար, ովքեր չեն օգտագործում ծխախոտային արտադրանք, ապագայում նույնպես այն չօգտագործել է։

«ԱՄՆ-ում նորագույն ծխախոտային արտադրատեսակների օգտագործումը թույլատրելուց առաջ FDA-ի կողմից խստագույն գիտական գնահատական է տրվում։ Մեր առաքելության կարևորագույն մասն է հանրային առողջության պաշտպանությունը, հատկապես երիտասարդության ու ծխախոտի հետ կապված հիվանդությունների ու մահվան նվազեցման ուղղություններով։ Չնայած արտադրատեսակի վաճառքը թույլատրելը չի նշանակում, որ այն անվտանգ է, դիմումի վերանայման գործընթացի շրջանակներում համոզվեցինք, որ  արտադրատեսակի վաճառքը համընթաց է հանրային առողջության պահպանմանը՝ հաշվի առնելով թե՛  ռիսկերն ու թե՛ օգուտները բնակչության համար՝ ներառյալ այն, թե ինչպես կարող է արտադրանքը ազդել երիտասարդների կողմից նիկոտինի և ծխախոտի  օգտագործման վրա, բայց նաև այն, թե ինչ պոտենցիալ ունի արտադրանքը չափահաս ծխողներին սիգարետ ծխելուց ամբողջությամբ հեռու պահելու առումով»,- նշել է Միչ Զելլերը՝ FDA-ի ծխախոտային արտադրանքի Կենտրոնի տնօրենը։

IQOS-ը գնահատելիս հաշվի են առնվել թե՛ ծխողների, թե՛ չծխողների շահերը

Նշենք, որ ԱՄՆ-ում արտադրանքի վաճառքի թույլատրություն ստանալու համար արտադրողները պետք է FDA-ին ցույց տան, որ, ի թիվս այլ բաների, նոր արտադրանքի շուկայավարումը համահունչ է հանրային առողջության պահպանմանը: Համաձայն դիմումի վերանայման գործընթացի, FDA-ը պետք է հաշվի առնի բոլոր ռիսկերն ու օգուտները ամբողջ բնակչության համար՝ ներառյալ թե՛ ծխողներին ու թե՛ չծխողներին։ Կարևորագույն ներառում է նաև երիտասարդությունը։ Գնահատման գործընթացը ներառում է ծխախոտային արտադրանքի առողջական ռիսկերի, ինչպես նաև բաղադրիչների, հավելումների, արտադրության, փաթեթավորման ու պիտակավորման խստապահանջ ուսումնասիրություն: IQOS-ը գնահատելիս հաշվի է առնվել թե՛ այն հավանականությունը, որ ներկայիս ծխողները կարող են դադարեցնել սիգարետ ծխելը, և թե՛ այն, որ չծխողները կարող են սկսել ծխախոտային արտադրատեսակ օգտագործել։

Այսպիսով, FDA-ը ուսումնասիրել է արտադրող ընկերության կողմից ներկայացված հայտը, վերանայել առկա գրականությունն ու այլ աղբյուրները, և գիտական գնահատման  արդյունքում պարզել, որ IQOS ծխախոտի տաքացման համակարգի արտազատած գոլորշին պարունակում է ավելի քիչ վնասակար նյութեր, քան սիգարետի ծուխը, իսկ  հայտնաբերված վնասակար նյութերը ավելի քիչ մակարդակով են առկա, քան սիգարետի ծխում: Օրինակ, IQOS-ի գոլորշու մեջ առկա ածխածնի մոնօքսիդի ազդեցությունը  համեմատելի է շրջակա միջավայրում առկա ածխածնի մոնօքսիդի ազդեցության հետ, իսկ ակրոլեինի ու ֆորմալդեհիդի մակարդակները համապատասխանաբար 89%-ից մինչեւ 95% եւ 66%-ից մինչեւ 91% ավելի քիչ են, քան սիգարետի ծուխի մեջ։

Նիկոտինի մակարդակը գրեթե նույնն է

Բացի այդ, IQOS-ը մարդու օրգանիզմ է մատակարարում գրեթե նույնքան նիկոտին, որքան սիգարետը, ինչը հավանական է դարձնում այն, որ IQOS-ի օգտատերերը կկարողանան ամբողջությամբ հրաժարվել սիգարետից ու անցնել միմիայն IQOS-ի օգտագործմանը: Վերջապես, առկա տվյալները, չնայած սահմանափակ են, բայց և այնպես մատնանշում են, որ մեծ չէ հավանականությունը, որ չծխողները՝ ներառյալ երիտասարդությունը, կսկսի IQOS օգտատործել։ Այդ հավանականությունը նվազագույնին հասցնելու նպատակով FDA-ը նաև արգելել է հեռուստատեսությամբ ու ռադիոյով արտադրանքը գովազդել, իսկ գովազդային այլ հարթակներում պահանջել է, որպեսզի գովազդը թիրախավորի միայն չափահասներին։

Ֆիլիպ Մորրիսը պետք է նաև ի թիվս այլ բաների տեղեկացնի FDA-ին, թե ինչպես է նախատեսում սահմանափակել երիտասարդների համար արտադրանքի հասանելիությունը՝ ներկայացնելով պիտակավորման, գովազդի, մարքեթինգի ու առաջխաղացման վերաբերյալ տեղեկատվություն: Մասնավորապես, FDA-ը պահանջել է, որ IQOS-ի հետ օգտագործվող գլանակների տուփերի վրա լինի նախազգուշացում այն մասին, որ նիկոտինը կախվածություն է առաջացնում։

IQOS-ը ԱՄՆ-ում թույլատրելուն զուգընթաց, FDA-ը ապագայում ևս շարունակաբար կգնահատի արտադրանքի վերաբերյալ հասանելի նոր տվյալները։ 

Ներկայումս FDA-ը շարունակում է ընկերության MRTP հայտի գիտական ուսումնասիրությունը: Ընկերությունը պետք է FDA-ից ստանա MRTP-ի թույլտվություն՝ նախքան IQOS-ը որպես սիգարետի համեմատ պակաս վնասակար դիրքավորելը։  

Նյութի աղբյուրը՝ https://www.fda.gov/news-events/press-announcements/fda-permits-sale-iqos-tobacco-heating-system-through-premarket-tobacco-product-application-pathway

Արտադրանքի վերաբերյալ լրացուցիչ տեղեկատվություն հասանելի է այստեղ։