Երևանում՝ 11:07,   19 Մարտ 2024

Պարզապես չէր սիրում շատ երեւալ, բայց գործն էր երեւում. գործընկերները՝ Տիգրան Ֆարմանյանի մասին

Պարզապես չէր սիրում շատ երեւալ, բայց գործն էր երեւում. գործընկերները՝ Տիգրան Ֆարմանյանի մասին

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Տիգրան Ֆարմանյանի աշխատասենյակի դուռն այդպես էլ փակ մնաց…  Վաստակավոր լրագրողը եւ վաստակաշատ խմբագիրը գրիչը վայր դրեց վաղաժամ ու ոչ կամովի: Լրագրողական հանրույթը կորցրեց արհեստավարժ գրծընկերոջը« «Հայաստանի Հանրապետություն» օրաթերթի երկարամյա գլխավոր խմբագրին:

Տիգրան Ֆարմանյանի հոգեհանգիստն ապրիլի 25-ին էր՝ Կոնդի Ս. Հովհաննես եկեղեցում: Հոգեհանգստի արարողությանը ներկա էր ՀՀ վարչապետ Նիկոլ Փաշինյանը: «Երկարամյա խմբագիր էր եւ դրանով ամեն ինչ ասված է: Մի քանի անգամ առիթ ունեցել եմ անձամբ շփվելու: Եվ եկել եմ հարգանքիս տուրքը մատուցելու»,-լրագրողների հետ զրույցում ասաց վարչապետը:

«Տիգրանի հետ երկար աշխատել ենք, երբ թերթը սկսեց գործել: Հետո, տարիներ անց, ես այլ աշխատանքի անցա, Տիգրանը փոխարինեց ինձ: Հրաշալի գրիչ ուներ: Տիգրանը մեր ամենալավ գրիչ ունեցողներից էր: Եվ լավ ընկեր էր: Որոշ ժամանակ գնաց «02» շաբաթաթերթ: Բայց մեր կապը չկտրվեց, միշտ կար: Մենք մեծ կորուստ ունեցանք՝ լրագրողական աշխարհը, ընկերները: Մեծ ընկեր կորցրինք»,-«Հայաստանի Հանրապետության» նախկին խմբագիր Աշոտ Աղաբաբյանի խոսքերն են:

«Վերջերս մի տասն անգամ զանգ տվեցի: Հեռախոսին չպատասխանեց: Ուզում էի գիրքս նվիրել իրեն՝ նոր էր լույս տեսել: Խմբագրությունից էլ ասում էին՝ քաղաքից բացակայում է: Չգիտեի, որ հիվանդ է, ընկերներից ոչ ոք չգիտեր»,-պատմեց  գրող« հրապարակախոս Մերուժան Տեր-Գուլանյանը:

Ասում է՝ այսօրվա պես է հիշում Ֆարմանյանի հետ անցկացրած վերջին հրաշալի օրը. «Հիմա մեջս «զրնգում» է այդ օրը՝ Դիլիջանում:

Բացառիկ լուսավոր մի մարդ, համեստ, զուսպ, երբեք իրեն չցուցադրող: Պետական թերթն իր տրամաբանությունն ունի, եւ այդ իրավիճակում իրեն հաջողվում էր հետաքրքիր թերթ տպել: Խորապես ցավում եմ: Մի քիչ էլ խոսեմ, լաց կլինեմ…»:

«Լուրն առավոտյան լսեցի: Ինձ համար շատ ցավալի է: Տիգրանին գիտեմ ուսանողական տարիներից, ու այդ տարիներից իր սկզբունքայնությամբ, ասելիքով, մտածողությամբ, բարությամբ, մարդուն օգտակար լինելու առանձնահատկություններովԻնչպես համալսարանում էր, այդպես էլ խմբագիր եղած ժամանակ էր: Մի անհատականություն էր, որը չէր երեւում, չէր սիրում երեւալ: Համեստության էտալոն էր: Տիգրանի կորուստը ժուռնալիստիկայում մեծ կորուստ է: Բայց Տիգրանի կերպարը բոլորիս մեջ մնալու է: Սա հերթապահ նախադասություն չէ: Սա ճշմարտություն է»,-հավատացնում է կինոգետ Ռոբերտ Մաթոսյանը:

Լրագրող, պրոֆեսոր Սերգո Երիցյանի խոսքերով եւս նրա կարիքը զգալու ենք: Ասում է՝ Ֆարմանյանը լրագրության նվիրյալ էրՆա ոչ միայն տեղեկատվական հոսքն էր ներկայացնում, այլեւ վերլուծականություն, այն, ինչ շատ կարեւոր է լրագրողի համար: Ընթերցողը «Հայաստանի Հանրապետության» տարբեր էջերում անպայման գտնում էր վերլուծական նյութեր, որոնցում հետաքրքիր հարցադրումներ, ուղերձներ կային: Կային նյութեր, որոնցում ցույց էին տրվում անհրաժեշտ փոփոխություններն ու զարգացումները: Այն, ինչ մենք այսօր շատ դեպքերում լրագրության մեջ կորցնում ենք՝ ընկնելով տեղեկատվական հոսքի բազմազանության մեջ, նա կարողանում էր  իր խմբագրած թերթում պահպանել: Նա կարողացավ թերթին ոգի եւ էություն տալ, որքան էլ այն պաշտոնական էր: Տիգրանը թերթում զարգացրեց լրագրության հատկությունները»:

«Կենսուրախ էր եւ դեռեւս օգտակար կարող էր լինել ե՜ւ իր մասնագիտությանը, ե՜ւ իր ընտանիքին, բարեկամներին: Սա մեծ կորուստ է մեզ համար»,-նշեց «Հայկական հանրագիտարան» հրատարակչության գլխավոր խմբագիր« տնօրեն Հովհաննես Այվազյանը:

Թամարա Մուրադյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]