Գեղարքունիքի մարզի Գեղհովիտ եւ Ծովասար համայնքներում տեղի կունենան համայնքի ղեկավարի ընտրություններ
14:03, 25 Ապրիլ 2019
ԳԱՎԱՌ, 25 ԱՊՐԻԼԻ, ԱՐՄԵՆՊՐԵՍ: Գեղարքունիքի մարզպետի համապատասխան որոշմամբ 2019 թվականի հունիսի 9-ին Գեղարքունիքի մարզի Գեղհովիտ եւ Ծովասար համայնքներում կկայանան համայնքի ղեկավարի հերթական ընտրությունները:
Ինչպես «Արմենպրես»-ին տեղեկացրեց Գեղարքունիքի մարզպետարանի ՏԻ եւ ՀԳՄ հարցերով վարչության պետ Վանիկ Հարությունյանը, Գեղհովիտում եւ Ծովասարում ավարտվում են համայնքների ղեկավարներ Վարդան Պողոսյանի եւ Արտաշես Մխիթարյանի պաշտոնավարման ժամկետները, ինչի պատճառով էլ, համաձայն օրենքի, նշանակվել են նոր ընտրություններ: Ինչպես հավաստեց Գեղարքունիքի մարզի թիվ 21 ՏԸՀ նախագահ Սարո Ղազարյանը, թեկնածուների առաջադրումը, ըստ ժամանակացույցի, նախատեսված է մայիսի 5-10-ին, գրանցումը՝ մայիսի 10-15-ին:
Խոսրով Խլղաթյան
Բաժանորդագրվեք մեր ալիքին Telegram-ում