ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Ուկրաինայի Գերագույն ռադան ամբողջությամբ ընդունել Է ուկրաիներեն լեզվի մասին օրինագիծը, որը իշխանության մարմիններում եւ հանրային կյանքի մյուս հրապարակային ոլորտներում պետական լեզվի պարտադիր գործածում Է նախատեսում, տեղեկացնում Է «Արմենպրես»-ը:

Ինչպես հայտնել Է «Ինտերֆաքս»-ի թղթակիցը, ուկրաիներենի՝ որպես պետական լեզվի գործառումն ապահովելու վերաբերյալ համապատասխան օրինագիծն (№5670-դ) ապրիլի 25-ին երկրորդ ընթերցմամբ եւ ամբողջությամբ պաշտպանել Է 278 ժողովրդական պատգամավոր:

Օրենքում ասված Է, որ դրա գործողությունը չի տարածվում մասնավոր շփման եւ կրոնական ծիսակատարությունների իրականացման ոլորտի վրա: Ժողովրդական պատգամավորները օրինագծի երկրորդ ընթերցման ուղղումները քննարկում Էին փետրվարի 28-ից: Ընդամենը մտցվել ու քննարկվել Է ավելի քան 2 հազար ուղղում: