Պերուում սուգ են հայտարարել նախկին նախագահ Գարսիայի մահվան կապակցությամբ
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Պերուում սուգ են հայտարարել երկրի նախկին նախագահ Ալան Գարսիայի (1985 – 1990, 2006 – 2011) մահվան կապակացությամբ, որը կյանքին վերջ Է տվել ինքնասպանությամբ: Այս մասին, ինչպես տեղեկացնում Է «Արմենպրես»-ը, ասված Է Պերուի պետության ղեկավար Մարտին Վիսկառայի դեկրետում, որն ապրիլի 17-ին հրապարակվել Է հարավամերիկյան պետության El Peruano պաշտոնական թերթում: «Ազգային սուգը կտեւի մինչեւ ապրիլի 19-ի ուրբաթ օրը»,- ասված Է դեկրետում:
Դրանում նշված Է, որ այդ ամբողջ ժամանակ կխոնարհեն Պերուի պետական դրոշները բոլոր պետական հիմնարկությունների շենքերին, զորամասերի դիրքերում եւ ռազմածովային ուժերի նավերում, ինչպես նաեւ արտասահմանում Պերուի դիվանագիտական ներկայացուցչությունների տարածքում: Պերուի իշխանությունները որոշել են, որ Գարսիային կհուղարկավորեն ապրիլի 19-ին նախագահական պատիվներով: 69-ամյա Գարսիան վախճանվել Է ապրիլի 17-ին Լիմայի Կազիմիր Ույոայի անվան հիվանդանոցում այն բանից հետո, երբ կրակել Է գլխին, երբ կալանագրով նրա տուն Էին ժամանել դատախազության աշխատակիցները: Պերուում Գարսիային կասկածում Էին Odebrecht բրազիլական շինարարական ընկերությունից կաշառքներ ստանալու մեջ: Լատինական Ամերիկայում այդ ընկերությունը հարյուր միլիոնավոր դոլարներ Է ծախսել բարձրաստճան պաշտոնյաների, նախարարների ու նախագահների կաշառելու համար պետական շահավետ պարտավորագրեր ստանալու նպատակով, հաղորդել Է «Ինտերֆաքս»-ը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում