Հունահռոմեական ոճի ըմբշամարտի Հայաստանի հավաքականը սկսում է պայքարը Եվրոպայի առաջնությունում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Հունահռոմեական ոճի ըմբշամարտի Հայաստանի հավաքականը սկսում է պայքարը Եվրոպայի առաջնությունում:
«Արմենպրես»-ի հաղորդմամբ՝ 55 կգ քաշային կարգում որակավորման փուլից պայքարը կսկսի Ռուդիկ Մկրտչյանը, ով կմրցի վրացի աշխարհի 2018 թվականի բրոնզե մեդալակիր Նուգզարի Ցուրցումիայի հետ:
63 կգ քաշում Սլավիկ Գալստյանը որակավորման փուլում կփորձի գերազանցել նորվեգ Ստիգ-Անդրե Բերգին:
Օլիմպիական խաղերի արծաթե մեդալակիր, աշխարհի և Եվրոպայի չեմպիոն Արսեն Ջուլֆալակյանը ևս պայքարի մեջ կմտնի որակավորման փուլից, որտեղ կմրցի Նիդերլանդներից Մարսել Ստերկենբուրգի հետ:
87 կգ քաշային կարգում աշխարհի և Եվրոպայի չեմպիոն Մաքսիմ Մանուկյանը պայքարը սկսելու է որակավորման փուլից, որտեղ նրա մրցակիցը Հեիկի Հերման Մեթսոմաեկին է Ֆինլանդիայից:
Եվ 130 կգ քաշում Դավիթ Օվասափյանը որակավորման փուլում ուժերը կչափի ռուս Սերգեյ Սեմենովի հետ:
Հունահռոմեական ոճի ըմբշմարտի Եվրոպայի առաջնությունն այս տարի անցկացվում է Ռումինիայի մայրաքաղաք Բուխարեստում:
Բաժանորդագրվեք մեր ալիքին Telegram-ում