391.59
Հայ-ռուսական համատեղ հիմնադրամը կֆինանսավորի երկու երկրների ինովացիոն ծրագրերը
1 րոպեի ընթերցում
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Հայաստանն ու Ռուսաստանն առաջիկայում կստեղծեն համատեղ հիմնադրամ, որն արտոնյալ վարկավորման միջոցով կֆինանսավորի երկու երկրներում բարձր տեխնոլոգիաների և ինովացիոն ծրագրերը: «Արմենպրես»-ի հաղորդմամբ՝ այս մասին ասաց ՀՀ տնտեսական զարգացման և ներդրումների փոխնախարար Ալբերտ Բաբայանը՝ ամփոփելով Հայ-ռուսական միջկառավարական հանձնաժողովի՝ Մոսկվայում անցկացված նիստը:
«Համաձայնություն ձեռք բերվեց, որ առաջիկայում ստեղծվելու է նոր համատեղ հիմնադրամ: Այն ֆինանսավորելու է բարձր տեխնոլոգիաները և ինովացիաները: Այդ հիմնադրամի ձևավորմանը մասնակցելու է նաև Եվրասիական զարգացման բանկը: Եվ ֆինանսավորվելու են երկու երկրներում ինովացիաները և բարձր տեխնոլոգիաները»,-ասաց Բաբայանը:
Նա նկատեց, որ ֆինանսավորման համար կան բավարար միջոցներ, մնում է ներկայացնեն ծրագրեր: Ֆինանսավորումը լինելու է արտոնյալ վարկավորման միջոցով, լինելու է ավելի մատչելի վարկավորում: Հիմնական համաձայնությունը կողմերն արդեն ձեռք են բերել, իսկ մանրամասները կքննարկվեն արդեն ձևավորման փուլում:
Հայ-ռուսական միջկառավարական հանձնաժողովի նիստը կայացել է Մոսկվայում ապրիլի 4-ին:
Բաժանորդագրվեք մեր ալիքին Telegram-ում