Ֆինլանդիայի հավաքականի պաշտպանը Հայաստանին բարդ մրցակից է համարում
17:39, 25 Մարտ 2019
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Ֆուտբոլի Ֆինլանդիայի ազգային թիմի պաշտպան Յուհա Պիրինեի կարծիքով՝ Եվրո-2020-ի ընտրական փուլի Հայաստանի դեմ հանդիպումը բարդ է լինելու:
«Փորձելու ենք հաղթել և երեք միավոր վաստակենք: Մեզ բարդ հանդիպում է սպասում:Դիտել ենք Բոսնիայի և Հերցեգովինայի դեմ խաղը և գիտենք հավաքականի ուժեղ ու թույլ կողմերը, սակայն չեմ բարձրաձայնի դրանք»,-«Արմենպրես»-ի հաղորդմամբ՝ լրագրողների հետ հանդիպման ժամանակ ասաց Պիրինեն:
Ֆուտբոլի Եվրոպայի 2020 թվականի առաջնության ընտրական փուլի Հայաստան-Ֆինլանդիա հանդիպումը կկայանա մարտի 26-ին՝ Վազգեն Սարգսյանի անվան Հանրապետական մարզադաշտում: Այն կմեկնարկի 21:00-ին:
Բաժանորդագրվեք մեր ալիքին Telegram-ում