Ժամանակը Երևանում՝ 11:07:36,   24 Ապրիլ

Դավիթ Անանյանի կարծիքով՝ նոր սերնդի ՀԴՄ-ների օգտագործումը խթանելու է անկանխիկ առևտրի աճը


ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Նոր սերնդի հսկիչ դրամարկղային մեքենաները լայն հնարավորություններ են ստեղծելու: ՊԵԿ նախագահը կարևորում է հատկապես դրանց միջոցով քարտային առևտուր անելու հնարավորությունը: «Արմենպրես»-ի հաղորդմամբ՝ Պետական եկամուտների կոմիտեի նախագահ Դավիթ Անանյանը ԱԺ ֆինանսավարկային և բյուջետային հարցերի մշտական հանձնաժողովի նիստում ներկայացրեց նոր սերնդի ՀԴՄ-ների առավելությունները: 

«Նոր սերնդի հսկիչ դրամարկղային մեքենաների կիրառումը շատ կարևորում ենք, քանի որ այն լայն հնարավորություններ է տալիս վերլուծական գործիքակազմի կիրառման համար: Հին սերնդի դրամարկղային մեքենաները ցանցային կապուղով մեզ հետ կապված չեն եղել, և դրա շրջանառությունների վերաբերյալ տեղեկատվությունը թղթային եղանակով է ներկայացվել հարկային մարմնին: Շատ դեպքերում դրանց վերլուծական առումով բավականին բարդություններ են առաջացրել, իսկ նոր սերնդի ՀԴՄ-ների կիրառումը բացառում է թղթային եղանակով տեղեկատվության ներկայացումը: Բոլոր հսկիչ դրամարկղային մեքենաները ցանցային կապով կապված են մեր սերվերի հետ: Դա վարչարարության տեսանկյունից շատ կարևոր գործիք է: Նոր սերնդի հսկիչ դրամարկղային մեքենան ոչ միայն կտրոն տրամադրելու համար է, այլ ունի մեծ ֆունկցիոնալություն: Այն հնարավորություն ունի հարկային հաշիվ դուրս գրելու, այլ հաշվարկային փաստաթուղթ դուրս գրելու: Դրանով նաև հնարավոր է քարտային առևտուր կատարել»,-ասաց Անանյանը:

Նրա խոսքով՝ ԿԲ-ի հետ պլաններ ունեն, որ նոր սերնդի ՀԴՄ-ների կիրառմամբ կանխիկ առևտուրը փոխարինեն անկանխիկով:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ