Ռյուգու աստղակերպի վրա ջուր պարունակող միներալներ են հայտնաբերվել
16:49, 20 Մարտ 2019
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Ռյուգու աստղակերպի մակերեւույթին, որն ուսումնասիրում Է ճապոնական «Հայաբուսա-2» տիեզերական զոնդը, հայտնաբերվել են ջուր պարունակող միներալներ՝ թթվածնի եւ ջրածնի տարրերով: Այդ մասին, ինչպես տեղեկացնում Է «Արմենպրես»-ը, ասված Է Ճապոնիայի JAXA օդատիեզերական գործակալության զեկույցում:
Միներալները հաջողվել Է հայտնաբերել մերձակա ինֆրակարմիր տիրույթում սպեկտրազննություն կատարելիս: Այդ գյուտն անուղղակիորեն հաստատում Է այն տեսությունը, որ ջուրը Երկիր Է բերվել տիզերքից, հետեւում Է զեկույցից: «Հայաբուսա-2» տիեզերական զոնդն արձակվել Է 2014 թվականին: Ռյուգու աստղակերպը Երկրից հեռու Է 340 միլիոն կիլոմետր: Դրա տրամագիծը կազմում Է շուրջ 900 մետր, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում