«Լա Սկալա» թատրոնը հրաժարվեց էր Ռիադի նվիրատվությունից Խաշկոջիի գործի պատճառով. La Stampa
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Միլանի «Լա Սկալա» թատրոնը Ջամալ Խաշկոջիի սպանության կապակցությամբ որոշել Է հրաժարվել Սաուդյան Արաբիայի կողմից ֆինանսավորումից: Այդ մասին, վկայակոչելով Միլանի քաղաքագլուխ Ջուզեպե Սալային, մարտի 18-ին հայտնել Է La Stampa իտալական թերթը, տեղեկացնում Է «Արմենպրես»-ը:
Մարտի 7-ին հրատարակությունը գրել Էր թատրոնի եւ Սաուդյան Արաբիայի իշխանությունների միջեւ ձեռք բերված պայմանավորվածության մասին, որը Էր Ռիադի կողմից տարեկան 3 մլն եվրոյի վճարում Է նախատեսում հինգ տարվա ընթացքում: Դրա փոխարեն թատրոնի տնօրենների խորհրդում պետք Է ընդգրկվեր Սաուդյան Արաբիայի ներկայացուցիչը:
«Մենք միաձայն որոշեցինք վերադարձնել փողերը,-հայտարարել Է Սալան:-Այսօրվա դրությամբ համագործակցության ոչ մի այլ ձեւ հավանության չի արժանացել»:
Ինչպես նշում Է հրատարակությունը, որոշումն ընդունվել Է թատրոնի տնօրենների խորհրդում: Ավելի վաղ տեղեկացվել Էր, որ Էր Ռիադի հետ թատրոնի համագործակցության մասին լուրն առաջացրել Է մի շարք իտալացի քաղաքական գործիչների բողոքը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում