Նոր Զելանդիայի մզկիթներում հրաձգություն սարքած ահաբեկիչը հրաժարվել Է փաստաբանից
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Ավստրալացի Բրենթոն Թարանթը, որը մեղադրվում Է Նոր Զելանդիայի Քրայսթչերչ քաղաքի մզկիթներում 50 մարդու սպանության մեջ, հրաժարվել Է փաստաբանի ծառայություններից: Մարտի 18-ին այս մասին The New Zealand Herald թերթին հայտնել Է դատարանի կողմից Թարանթի փաստաբան նշանակված Ռիչարդ Փիթերսը: Նա արդեն որպես ավստրալացու պաշտպան հանդես Է եկել մարտի 16-ի առաջին հրապարակային դատաքննությունում, տեղեկացնում Է «Արմենպրես»-ը:
«Իմ պաշտպանյալը հայտնեց, որ ցանկանում Է ապագայում ինքնուրույն իրեն ներկայացնել դատական նիստերի ժամանակ, եւ ինձ չթվաց, թե նա ինչ-որ հոգեկան կամ հոգեբանական խնդիրներ ունի, բացառությամբ, անշուշտ, ծայրահեղ աջ հայացքների, որոնց նա հետեւում Է»,- ասել Է փաստաբանը: Փիթերսը նաեւ նշել Է, որ իրենց շփման ընթացքում Թարանթն ափսոսանք կամ զղջում չի հայտնել արածի համար, եւ որ նրա հրաժարումը փաստաբանից, ամենայն հավանականությամբ, թելադրված Է դատական ունկնդրումները որպես իր հայացքների քարոզչության համար հարթակ օգտագործելու ցանկությամբ:
Այս գործով հաջորդ դատաքննությունը տեղի կունենա ապրիլի 5-ին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում