Նախարարությունը մանրամասներ է ներկայացնում գյուղատնտեսական վարկերի տոկոսադրույքների սուբսիդավորման ծրագրի վերաբերյալ
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Հայաստանի Հանրապետության գյուղատնտեսության նախարարությունը մանրամասներ է ներկայացնում գյուղատնտեսության ոլորտին տրամադրվող վարկերի տոկոսադրույքների սուբսիդավորման ծրագրի վերաբերյալ: Ինչպես հաղորդում է «Արմենպրես»-ը, ՀՀ գյուղատնտեսության նախարարությունը հայտնում է, որ ծրագրի շրջանակում վարկը շահառուներին հասանելի կլինի ընդամենը 5 %-ով, ավելին` եթե գյուղացիները որոշեն միավորվել և կոոպերատիվ կազմել, պետական սուբսիդավորման արդյունքում կարող են վարկ ստանալ 3 %-ով։
Իսկ ահա սոցիալական աջակցություն ստացող սահմանամերձ բնակավայրերի տնտեսվարողներին վարկը կտրամադրվի 0 %-ով։ Վարկի չափը` 3-15 մլն ՀՀ դրամ, մարման ժամկետը՝ մինչև 5 տարի` կախված ներդրումների ուղղվածությունից։
Մանրամասները տեսանյութում:
Բաժանորդագրվեք մեր ալիքին Telegram-ում