ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Մոսկվայի 80-ից բարձր տարիքի բնակիչների թիվն արդեն մի քանի տարի անց կգերազանցի 1 միլիոնը, ուստի անհրաժեշտ Է շարունակել բարեփոխումները առողջապահության եւ սոցիալական քաղաքականության բնագավառում: Այդ մասին, ինչպես տեղեկացնում Է «Արմենպրես»-ը, հայտարարել Է ՌԴ մայրաքաղաքի քաղաքագլուխը՝ Սերգեյ Սոբյանինը:

«Մեզանում սկզբունքորեն փոխվում Է բնակչության կառուցվածքը: Եթե 2010 թվականին 80-ից բարձր տարիքի բնակիչների թիվը 100 հազարից փոքր-ինչ ավելի Էր, ապա այժմ նրանց թիվն արդեն մոտավորապես 600 հազար Է: Կանցնի Էլի մի փոքր ժամանակ, մի քանի տարի, եւ մենք կունենանք 80-ից բարձր տարիքի 1 միլիոն մարդ»,-ասել Է Սոբյանինը՝ ելույթ ունենալով Մոսկվայի քաղաքացիական համաժողովի մարտի 6-ին անցկացված 9-րդ լիագումար նիստում:

Սա, նշել Է նա, «ընդհանրապես այլ քաղաք Է, բնակչության այլ կառուցվածք, այլ պահանջներ, առաջին հերթին՝ սոցիալական քաղաքականության եւ բժշկության բնագավառում», հաղորդել Է «Ինտերֆաքս»-ը: