ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: ԵԱՏՄ բասկետբոլի գավաթի առաջին խաղարկության հաղթողը Երևանի «Ուրարտու»-ն է, որը որոշիչ խաղում մրցեց և հաղթեց ռուսական «Արսենալ»-ին: «Արմենպրես»-ի հաղորդմամբ` առաջին քառորդում գրեթե հավասար պայքար էր ծավալվել և միայն վերջնամասում «Ուրարտու»-ն առաջ անցավ հաշվի մեջ` 20:12: Երկրորդ քառորդում երևանյան ակումբի բասկետբոլիսներն անտեղի սխալվում էին պաշտպանությունում: Սակայն «Ուրարտու»-ն պահպանեց հաշվի մեջ ունեցած առավելությունը, և թիմերը մեծ հանգստի գնացին 10 միավորի տարբերությամբ` 46:36:

Երրորդ քառորդը լի էր փոխադարձ սխալներով: Ռուսական թիմին հաջողվեց կրճատել հաշվի տարբերությունը, և խաղակեսն ավարտվեց 64:57 հաշվով՝ հօգուտ «Ուրարտու»-ի: Առավել լարված չորրորդ քառորդն ավարտվեց «Ուրարտու»-ի առավելությամբ և թիմն ի վերջո հաղթեց 92:73 հաշվով` հաղթելով առաջին անգամ անցկացվող ԵԱՏՄ գավաթի խաղարկությունում: