Չինաստանում արգելել են կանանց աշխատանքի ընդունելու ժամանակ հղիության թեստ պահանջել
12:41, 23 Փետրվար 2019
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Չինաստանի իշխանություններն աշխատանքի շուկայում խտրականության դեմ պայքարի շրջանակում արգելել են գործատուներին աշխատանքի ընդունման ժամանակ կանանցից հարցնել ընտանեկան կարգավիճակի մասին ու պահանջել հղիության թեստ: Ինչպես հաղորդում է «Արմենպրես»-ը, այս մասին հաղորդում է ՏԱՍՍ-ը:
Չինաստանի Ժողովրդական Հանրապետության աշխատանքի և սոցիալական ապահովության նախարարության հայտարարության համաձայն՝ նոր որոշումը միտված է նպաստել կանանց համար աշխատանքային պայմանների բարելավմանը:
Ըստ ընդունված նորմերի՝ արգելքը խախտող գործատուները տուգանվելու են 10-50 հազար յուան (1.5-7.4 հազար ԱՄՆ դոլար) գումարի չափով: Ավելի լուրջ խախտումների պարագայում կազմակերպությունն անգամ կարող է զրկվել լիցենզիայից:
Բաժանորդագրվեք մեր ալիքին Telegram-ում