«Արարատ» ֆուտբոլային ակումբը նոր ֆուտբոլիստ ունի Ֆրանսիայից
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Երևանի «Արարատ» ֆուտբոլային ակումբը նոր համալրում ունի:
«Արմենպրես»-ի հաղորդմամբ` երևանյան ակումբը պայմանագիր է կնքել ֆրանսիացի 24-ամյա պաշտպան Աբուբակար Գասամայի հետ: Պայմանագրի կետերից այլ մանրամասներ հայտնի չեն: Այս օրերին «Արարատ» ակումբը Կիպրոսում ուսումնամարզական հավաք է անցկացնում:
Հայաստանի ֆուտբոլի առաջնության 19-րդ տուրից հետո մրցաշարային աղյուսակի առաջատարը 33 միավորով «Ալաշկերտն» է: Երկրորդ տեղում 29 միավորով «Բանանցն» է: Եռյակը 37 միավորով եզրափակում է «Փյունիկը»: 4-րդ տեղում 26 միավորով «Արարատ-Արմենիան» է: Նրան հաջորդում է «Լոռին»՝ 25 միավորով: 22 միավոր հավաքած Գյումրու «Շիրակը» 6-րդն է: «Գանձասար-Կապանը» նույնպես ունի 22 միավոր: 13 միավորով նախավերջին տեղում «Արարատն» է, իսկ «Արցախն» ունի 12 միավոր:
Այժմ առաջնությունում դադար է: Այն կվերսկսվի մարտի 2-ին:
Բաժանորդագրվեք մեր ալիքին Telegram-ում