Ժամանակը Երևանում՝ 11:07:36,   26 Մայիս 2022

Ադրբեջանի քաղբանտարկյալների հարցերով զբաղվող աշխատանքային խումբը ներկայացրել է քաղբանտարկյալների նոր ցուցակը  

Ադրբեջանի քաղբանտարկյալների հարցերով զբաղվող աշխատանքային խումբը 
ներկայացրել է քաղբանտարկյալների նոր ցուցակը

 

ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Ադրբեջանում գործող քաղբանտարկյալների հարցերով զբաղվող աշխատանքային խումբը հրապարակել է քաղբանտարկյալների թարմացված ցուցակը:

Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:

Աշխատանքային խմբի կողմից փետրվարի 20-ին հրապարակված նոր ցուցակի համաձայն` Ադրբեջանում քաղբանտարկյալների թիվը հասնում է 127-ի:

Ադրբեջանի ոստիկանությունը եւ անվտանգության ուժերը հետեւողականորեն շարունակում են օգտագործել բոլոր միջոցները՝  հետապնդելու իշխանություններին քննադատող անձանց: Այս նպատակով Ադրբեջանում լայնորեն կիրառվում են շանտաժը, անձնական կյանքի վերաբերյալ տեսանյութերի հրապարակումը, հարկերից խուսափելու, թմրամոլության եւ խուլիգանության շինծու մեղադրանքները:

Ադրբեջանն այսօր մի երկիր է, որտեղ իշխանության մարմիններում, սկսած պետության ղեկավարից մինչեւ բանտապահ, «պատվի» եւ «խղճի» մասին խոսքերն ունեն ամենախեղաթյուրված իմաստը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]