Տասնյակ հազարավոր ֆրանսիացիներ են մասնակցել հրեատեցության դեմ ցույցերին
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Տասնյակ հազարավոր մարդիկ են մասնակցել ամբողջ Ֆրանսիայում կազմակերպված ցույցերին՝ բողոքելով երկրում հրեատեցության ալիքի դեմ, տեղեկացնում Է «Արմենպրես»-ը՝ հղում անելով BBC-ին:
Ցուցարարները Փարիզի եւ մյուս քաղաքների փողոցներ են դուրս եկել «Բավակա՛ն Է» կարգախոսով: Նրանց են միացել ձախ եւ աջ կուսակցությունների քաղաքական գործիչներ, այդ թվում՝ նախկին նախագահներ Ֆրանսուա Օլանդը եւ Նիկոլա Սարկոզին:
Բողոքի ակցիաները պաշտպանել են 50-ից ավելի քաղաքական կուսակցություններ, արհմիություններ եւ ասոցիացիաներ: Ցույցերի սկսվելուց մի քանի ժամ առաջ Ֆրանսիայում տապանաքարեր Էին պղծվել հրեական գերեզմանոցում:
Փետրվարի 19-ին Ֆրանսիայի նախագահն այցելել Է երկրի արեւելքում գտնվող հրեական գերեզմանատուն, որտեղ գրեթե 100 տապանաքարեր Էին պղծվել նացիստական խորհրդանշաններով:
«Նրանք, ովքեր դա արել են, արժանի չեն լինելու Ֆրանսիայի Հանրապետության քաղաքացիներ եւ կպատժվեն»,- ասել Է նախագահը: Ֆրանսիայի հրեական համայնքն ամենամեծն Է Եվրոպայում. այն ունի առնվազն 550 հազար անդամ:
Բաժանորդագրվեք մեր ալիքին Telegram-ում