Բեռլինում ժխտում են ԱՄՆ-ի հետ «Հյուսիսային հոսք – 2»-ի շուրջը գործարքի կնքումը
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Գերմանիայի Էկոնոմիկայի նախարարությունում ժխտում են ԱՄՆ-ի հետ գործարքի կնքումը «Հյուսիսային հոսք – 2» գազատարի նախագծի շուրջը՝ ամերիկյան հեղուկացված բնական գազ ձեռք բերելու պատրաստակամության դիմաց: Այդ մասին, ինչպես տեղեկացնում Է «Արմենպրես»-ը, լրագրողներին հայտարարել Է գերատեսչության ղեկավար Պետեր Ալթմայերը՝ ամփոփելով Բեռլինում "LNG Import Market Germany: Potential and Opportunities"գերմանա-ամերիկյան խորհրդաժողովի արդյունքները:
«Ոչ մի կարգի գործարք չկա»,- ասել Է նախարարը՝ հավելելով, որ Բեռլինում «հստակորեն սահմանազատում են երեք հարց». գազի մատակարարների թվի ընդլայնում, այդ թվում՝ ԱՄՆ-ի հաշվին, «Հյուսիսային հոսք – 2»-ի կառուցում եւ Ուկրաինայի գազի տարանցման ապահովում 2019 թվականից հետո:
«Գազի իր մատակարարումները դիվերսիֆիկացնելու Գերմանիայի մտադրությունը բնավ կախված Է մյուս հարցերից»,- ընդգծել Է նախարարը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում