Ժամանակը Երևանում՝ 11:07:36,   7 Դեկտեմբեր

Դավիթ Թորոսյանը նախընտրել է մարզել պրոֆեսիոնալ բռնցքամարտիկներին

Դավիթ Թորոսյանը նախընտրել է մարզել պրոֆեսիոնալ բռնցքամարտիկներին

ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Բռնցքամարտի հավաքականի նախկին գլխավոր մարզիչ Դավիթ Թորոսյանը նախընտրել է մարզել պրոֆեսիոնալ բռնցքամարտիկներին, ոչ թե սիրողականներին:

«Արմենպրես»-ի հաղորդմամբ` լրագրողների հետ հանդիպման ժամանակ այս մասին հայտնեց Թորոսյանն ինքը: «Ես իմ ցանկությամբ եմ հրաժարվել հավաքականի գլխավոր մարզչի պաշտոնից: Անհնար էր համատեղելը սիրողական բռնցքամարտիկների և պրոֆեսիոնալների հետ աշխատանքը: Ես չէի կարող համատեղել սիրողական բռնցքամարտիկների հետ իմ ներկայիս աշխատանքը»,- շեշտեց Թորոսյանը:

Հայաստանի բռնցքամարտի հավաքականի նոր գլխավոր մարզիչը Ռուդիկ Մկրտչյանն է, ով Եվրոպայի չեմպիոն, աշխարհի բրոնզե մեդալակիր Հովհաննես Բաչկովի անձնական մարզիչն է: Ռուդիկ Մկրտչյանը մինչ այս կատարում էր հավաքականի գլխավոր մարզչի օգնականի պարտականությունները: Հավաքականի 2-րդ մարզիչ նշանակվեց Վահան Ադիլխանյանը, ով ավելի վաղ եղել է հավաքականի գլխավոր մարզչի օգնական:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ