Հայաստանի ֆուտբոլի ընտրանու պաշտպանը միացավ «Լոռի» ակումբին
17:04, 8 Փետրվար 2019
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Հայաստանի ֆուտբոլի հավաքականի պաշտպան Հայկ Իշխանյանը համալրել է «Լոռի» ակումբի շարքերը:
«Արմենպրես»-ի հաղորդմամբ` Իշխանյանի պայմանագիրն ուժի մեջ է մինչեւ մրցաշրջանի ավարտը՝ եւս մեկ տարի երկարաձգելու հնարավորությամբ:
29-ամյա Իշխանյանը հանդես է եկել «Միկայում», «Ալաշկերտում», «Իմպուլսում» եւ «Գանձասար-Կապանում»: Ընդհանուր առմամբ Հայաստանի Բարձրագույն խմբի առաջնությունում անցկացրել է 142 հանդիպում, խփել 7 գոլ եւ կատարել 4 արդյունավետ փոխանցում:
«Լոռի»-ի նոր կենտրոնական պաշտպանը Հայաստանի ազգային հավաքականի կազմում մասնակցել է 6 հանդիպման՝ դառնալով մեկ գոլի հեղինակ:
Բաժանորդագրվեք մեր ալիքին Telegram-ում