Ժամանակը Երևանում՝ 11:07:36,   22 Փետրվար

Ցուկերբերգը ժխտել Է Facebook-ի օգտատերերի տվյալները վաճառելու հնարավորությունը



ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Facebook-ի հիմնադիր եւ ղեկավար Մարկ Ցուկերբերգը ժխտել Է ընկերության կողմից սոցիալական ցանցի օգտատերերի տվյալների վաճառքի հնարավորությունը, տեղեկացնում Է «Արմենպրես»-ը:
«Մենք օգտատերերի տվյալները չենք վաճառում, թեեւ զանգվածային լրատվամիջոցները հաճախ են հաղորդում, թե մենք դա անում ենք: Իրականում, օգտատերերի վերաբերյալ տեղեկատվության վաճառքը կհակասեր մեր գործարար շահերին, քանի որ դա կկրճատեր գովազդատուների համար մեր ծառայության բացառիկ արժեքը»,- գրել Է նա The Wall Street Journal-ի սյունակում:
«Մենք օգտատերերի տեղեկատվությունը պաշտպանելու հզոր խթան ունենք»,- հավելել Է Ցուկերբերգը: Նրա խոքով՝ ընկերությունն, անկասկած, օգտատերերի որոշ տվյալներ Է հավաքում նրանց՝ «դուր Է գալիս» նշումների հիման վրա ռելեւանտ գովազդ ցուցադրելու համար:
«Բայց այդ տեղեկատվությունն սկզբունքային նշանակություն ունի անվտանգության եւ մեր ծառայությունների աշխատանքի համար»,- գրում Է Facebook-ի հիմնադիրը:
Նա նշել Է, որ մարդկանց անձնական տվյալներով աշխատանքի հիմնական սկզբունքներն Է համարում թափանցիկությունը, ընտրությունը եւ վերահսկողությունը:
«Մենք պետք Է անկեղծ լինենք այն թեմայի շուրջ, թե ինչ կերպ ենք օգտագործում տեղեկատվությունը, իսկ մարդիկ պետք Է ընտրություն ունենան, թե ինչպես Է օգտագործվում իրենց տեղեկատվությունը»,- հավելել Է Ցուկերբերգը, հաղորդել Է «Ինտերֆաքսը»:-



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ