Երևանում՝ 11:07,   19 Մարտ 2024

Քաղաքացիների իրազեկվածությունը բարձրացնելու նպատակով հրապարակվել է տեսանյութ ՄԻՊ դիմելու  վերաբերյալ

Քաղաքացիների իրազեկվածությունը բարձրացնելու նպատակով հրապարակվել է 
տեսանյութ ՄԻՊ դիմելու  վերաբերյալ

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Քաղաքացիների իրազեկվածությունը բարձրացնելու նպատակով հրապարակվել է տեսանյութ Մարդու իրավունքների պաշտպանին դիմելու  վերաբերյալ:

 Ինչպես տեղեկացնում է «Արմենպրես»-ը, Մարդու իրավունքների պաշտպանը Հայաստանի Հանրապետությունում հետևում է պետական և տեղական ինքնակառավարման մարմինների, պաշտոնատար անձանց, օրենքով սահմանված դեպքերում հանրային ծառայության ոլորտում գործող կազմակերպությունների կողմից մարդու իրավունքների ու ազատության պահպանմանը:

Պաշտպանին դիմելն անվճար է: Եթե անձը կարծում է, որ խախտվել են իր իրավունքները, ապա կարող է դիմել ինչպես անձամբ, այնպես էլ ներկայացուցչի միջոցով:

Բողոքն անձը կարող է ներկայացնել բանավոր՝ զանգահարելով շուրջօրյա թեժ գծի 116 համարին, կամ գրավոր՝ փոստով, կամ էլեկտրոնային եղանակով` [email protected] հասցեով: Անանուն բողոքները չեն քննվում, հետևաբար գրավոր դիմելիս պետք է նշել անուն ազգանունը, բնակության հասցեն, կոնտակտային հեռախոսահամար, ինչպես նաև չմոռանալ ստորագրել: Բողոք ներկայացնելու համար կարելի է այցելել ինչպես Երևանում Մարդու իրավունքների պաշտպանի աշխատակազմ, այնպես էլ Գեղարքունիքի, Սյունիքի, Շիրակի մարզային ստորաբաժանումներ:

Բողոքի հիման վրա Պաշտպանը ձեռնարկում է անհրաժեշտ քայլեր, այդ թվում՝ պարզաբանումների պահանջով դիմում է պետական և տեղական ինքնակառավարման մարմիններին, կազմակերպություններին, հանդես է գալիս նրանց ուղղված առաջարկություններով: Պաշտպանը կամ նրա իրավասու ներկայացուցիչը կարող է նաև իրականացնել չհայտարարված այց ցանկացած վայր, այդ թվում այնպիսի, որտեղ անձը զրկված է կամ կարող է զրկված լինել ազատությունից:

Պաշտպանի կամ իրավասու ներկայացուցչի գործունեությունը խոչընդոտելը, այդ թվում մուտքը ցանկացած վայր չթույլատրելն առաջացնում է քրեական պատասխանատվություն: 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]