Սերենա Ուիլյամսը թենիսի Ավստրալիայի բաց առաջնության երրորդ շրջանում է
16:52, 17 Հունվար 2019
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: ԱՄՆ ներկայացուցիչ Սերենա Ուիլյամսը շարունակում է պայքարը թենիսի Ավստրալիայի բաց առաջնությունում:
«Արմենպրես»-ի հաղորդմամբ` կանանց մենախաղի երկրորդ շրջանում Ուիլյամսի հակառակորդ կանադուհի Էժենի Բուշարն էր: 1 ժամ 10 րոպե ձգված մրցախաղում Ուիլյամսը հաղթեց երկու սեթերում` 6:2, 6:2 հաշվով:
Ավստրալիայի բաց առաջնությունը թենիսի «Մեծ սաղավարտի» չորս մրցաշարից հերթականն է, որն անցկացվում է Մելբուռն քաղաքի համանուն այգու կորտերում: Մրցաշարն անցկացվում է արդեն 107-րդ անգամ: Ավստրալիայի բաց առաջնության տղամարդկանց մենախաղի գործող չեմպիոնը շվեյցարացի Ռոջեր Ֆեդերերն է, իսկ կանանց պայքարում` Կարոլին Վոզնյացկին:
Բաժանորդագրվեք մեր ալիքին Telegram-ում