Հայտնի են ֆուտզալի Հայաստանի հավաքականի մրցակիցները
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Ֆուտզալի Հայաստանի հավաքականը ֆուտզալի Աշխարհի 2020 թվականի առաջնության Եվրոպական գոտու ընտրական մրցաշարի որակավորման փուլում ընդգրկվեց E խմբում:
«Արմենպրես»-ի հաղորդմամբ` դեկտեմբերի 12-ին՝ Շվեյցարիայի Նիոն քաղաքում, կայացավ ֆուտզալի Աշխարհի 2020 թվականի առաջնության Եվրոպական գոտու ընտրական մրցաշարի որակավորման փուլի վիճակահանությունը: Ֆուտզալի Հայաստանի հավաքականն ընդգրկվեց E խմբում, որտեղ նրա մրցակիցները կլինեն Բելգիայի, Շվեդիայի և Մալթայի հավաքականները: Խաղացանկը հայտնի կդառնա ավելի ուշ:
Խմբում առաջին տեղը զբաղեցնելու դեպքում ֆուտզալի Հայաստանի հավաքականը գլխավոր փուլի վեցերորդ խմբում կհանդիպի Սերբիայի, Ֆրանսիայի և F խմբում երկրորդ տեղը զբաղեցրած հավաքականների հետ:
Խմբում երկրորդ տեղը զբաղեցնելու դեպքում մեր ընտրանու մրցակիցները յոթերորդ խմբում կլինեն Ռուսաստանը, Խորվաթիան և F խմբի հաղթողը:
Բաժանորդագրվեք մեր ալիքին Telegram-ում