Մակրոնը կոչ Է արել փոխել ԵՄ-ում որոշումների ընդունման սկզբունքը
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնն անհրաժեշտ Է համարում, որ փոփոխություններ մտցվեն Եվրամիության օրենսդրության մեջ՝ հանրակցության անդամ երկրների կողմից համատեղ որոշումներ ընդունելիս միաձայնության սկզբունքից հրաժարվելու համար:
Այդ մասին, ինչպես տեղեկացնում Է «Արմենպրես»-ը, նոյեմբերի 21-ին հայտնել Է Բրյուսելի EurActiv ինտերնետ-ռեսուրսը: «Ես հանդես եմ գալիս պայմանագրերը փոխելու օգտին, մենք հասել ենք այն պահին, երբ դա անհրաժեշտ Է անել: Մենք ոչ թե պետք Է վախենանք, այլ պետք Է նաեւ նկատի ունենանք, որ նա, ով դեմ Է հանդես գալիս, այլեւս չի կարող արգելափակել մյուսներին»,- մեջբերումներ են անում զանգվածային լրատվամիջոցները Լուվենի համալսարանի ուսանողների առջեւ Մակրոնի ելույթից:
Ֆրանսիայի նախագահը նոյեմբերի 19 – 20-ը պետական այցով գտնվում Էր Բելգիայում: Ֆրանսիայի ղեկավարի կարծիքով՝ «այն մեծ սխալը, որը մենք արել ենք վերջին հինգ - տասը տարում, այն Է, որ մենք միշտ ցանկանում ենք ամեն ինչ որոշել 28-ի մակարդակով, իսկ վաղը, գուցե, 27-ի մակարդակով Brexit-ից հետո»: Մակրոնը կարծում Է, որ Եվրամիությունում ինտեգրացման գործընթացների վեկտորը պետք Է դառնա հանրակցության անդամ երկրների զատումը. կլինեն երկրներ, որոնք հանդես են գալիս ինտեգրացման ավելի առաջմղված ձեւերի օգտին, եւ երկրներ, որոնք այս փուլում դրան պատրաստ չեն: «Եվրոպային երկու - երեք արագություններ են անհրաժեշտ»,- ասել Է Ֆրանսիայի նախագահը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում