ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ը նոյեմբերի 20-ին հայտարարել Է Սիրիայի, Իրանի եւ Ռուսաստանի դեմ հերթական պատժամիջոցների սահմանման մասին: Այս անգամ սահմանափակիչ միջոցների համար առիթ են ծառայել իրանական նավթի՝ տեղ գտած գաղտնի մատակարարումները Դամասկոսին՝ ռուսական կողմի «աջակցությամբ»:

Թեհրանն ստացած եկամուտները, ինչպես պնդվում Է, ծախսում Է Իսլամական հեղափոխության պահապանների զորակազմի եւ ՀԱՄԱՍ ու «Հըզբոլլահ» խմբավորումների ֆինանսավորման համար, որոնց Վաշինգտոնն ահաբեկիչներ Է համարում, տեղեկացնում Է «Արմենպրես»-ը:

Պատժամիջոցները բացատրվում են Սիրիայի հակամարտության շուտափույթ քաղաքական լուծման անհրաժեշտությամբ: Միացյալ Նահանգների վարչակազմի ներկայացուցիչներն արդեն խոստացել են, որ պատժամիջոցների ներքո կհայտնվեն բոլոր նրանք, ովքեր կշարունակեն «աջակցել վարչակարգին», այսինքն՝ Սիրիայի կառավարությանը:

Ռուսաստանցի խորհրդարանականներն արդեն հայտարարել են, որ Մոսկվան կշարունակի կատարել Սիրիայի հետ պարտավորագրերի գծով իր հանձնառությունները եւ վստահություն են հայտնել, որ ԱՄՆ-ի նոր պատժամիջոցներն ազդեցություն չեն գործի ՌԴ-ի տնտեսության վրա, հաղորդել Է ՌԻԱ Նովոստին: