Հանրային խորհրդի Առողջապահության և Պետաիրավական հարցերի հանձնաժողովները նոր նախագահ են ընտրել
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Նոյեմբերի 19-ին տեղ է ունեցել ՀԽ Առողջապահության հարցերի հանձնաժողովի նիստը:
Ինչպես «Արմենպրես»-ին տեղեկացրին ՀԽլրատվական ծառայությունից, առաջադրված 3 թեկնածուներից փակ, գաղտնի քվեարկության արդյունքում հանձնաժողովի նախագահ է ընտրվել սրտաբան, «Գրիգոր Նարեկացի» բժշկական կենտրոնի տնօրեն Լևոն Գրիգորյանը։
Հանրային խորհրդի Առողջապահության հարցերի հանձնաժողովում ընդգրկված է առողջապահական ոլորտը ներկայացնող հասարակական կազմակերպությունների, բուժհաստատությունների 56 ներկայացուցիչ։
Մինչ քվեարկությունը Լևոն Գրիգորյանը ներկայացրել է ոլորտի բարեփոխման իր ծրագիրը, հանձնաժողովի անդամների հետ հարցուպատասխանի միջոցով անդրադարձել առողջապահական համակարգի խնդիրներին և դրանց լուծման վերաբերյալ իր դիրքորոշումն ու տեսակետները ներկայացրել գործընկերներին։
Նոյեմբերի 20ին տեղի է ունեցել Հանրային խորհրդի Պետաիրավական հարցերիհանձնաժողովի նիստը, որի օրակարգային միակ հարցը նույնպես եղել էհանձնաժողովի նախագահի ընտրությունը։ Առաջադրված 4թեկնածուներից հանձնաժողովի նախագահ է ընտրվել Իրավաբանների հայկական ասոցիացիայի նախագահ Կարեն Զադոյանը։ ՀԽ Պետաիրավական հանձնաժողովում ընդգրկված է 64 անդամ։
Բաժանորդագրվեք մեր ալիքին Telegram-ում