ՆԱՏՕ-ում Հայաստանի առաքելությունը մասնակցել է ՆԱՏՕ-ի բարեգործական տոնավաճառին
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: ՆԱՏՕ-ում Հայաստանի Հանրապետության առաքելությունը նոյեմբերի 18-ին մասնակցել է ՆԱՏՕ-ի կենտրոնակայանում անցկացվող ՆԱՏՕ-ի ամենամյա բարեգործական տոնավաճառին: Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, այս տարի միջոցառմանը մասնակցում էին ՆԱՏՕ-ի անդամ և գործընկեր 39 պետություններ։
Միջոցառման ընթացքում այցելուների ուշադրության կենտրոնում է եղել հայկական տաղավարում ներկայացված հայաստանյան կոնյակի և գինու հարուստ տեսականին, հրուշակեղենը, ինչպես նաև ձեռագործ հուշանվերներ ու զարդեր:
ՆԱՏՕ-ի բարեգործական տոնավաճառին Հայաստանի առաքելության մասնակցությանը մեծապես նպաստեցին Երևանի կոնյակի գործարանը և «Արմենպրես» լրատվական գործակալությունը։ Բարեգործական տոնավաճառի ողջ հասույթը տրամադրվում է տարաբնույթ միջազգային բարեգործական կազմակերպությունների ծրագրերի իրականացմանը:
Բաժանորդագրվեք մեր ալիքին Telegram-ում