Նոյեմբերի 5-ին սպասվող իրադարձությունները
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ նոյեմբերի 5-ին, կկայանա ՀՀ Ազգային ժողովի արտաքին հարաբերությունների, ֆինանսավարկային և բյուջետային հարցերի մշտական հանձնաժողովների համատեղ նիստը: Օրակարգում «Հայաստանի Հանրապետության 2019թ. պետական բյուջեի մասին» ՀՀ օրենքի նախագծին է: Նույն օրակարգով նախատեսված է նաև ՀՀ Ազգային ժողովի գիտության, կրթության, մշակույթի, երիտասարդության և սպորտի հարցերի մշտական հանձնաժողովների համատեղ նիստը:
Լրագրողների հետ կհանդիպի «Լուսավոր Հայաստան» կուսակցության նախագահ Էդմոն Մարուքյանը: Նա կխոսի երկրում ստեղծված ներքաղաքական իրավիճակին առնչվող հարցերի շուրջ:
Մամուլի ասուլիսով հանդես կգա Արցախի մարդու իրավունքների նախկին պաշտպան, ՀՀ արդարադատության նախկին փոխնախարար Ռուբեն Մելիքյանը: Նա կանդրադառնա մարդու իրավունքների պաշտպանության հեռանկարներին:
Մեկնարկում է Մանկապատանեկան ֆիլմերի 14-րդ միջազգային փառատոնը : Մեկնարկից առաջ նախաձեռնողները հանդես կգան մամուլի ասուլիսով : Փառատոնի հանդիսավոր բացումը նախատեսված է նոյեմբերի 6-ին Մոսկվա կինոթատրոնում :
Հովհաննես Թումանյանի անվան պետական տիկնիկային թատրոնում ներկայացման պրեմիերա է: Թատերասերներին կներկայացվի «Հույսի կամուրջ» ՀԿ ներառական թատերախմբի «Մերկ թագավորը» ներկայացումը: Ներկայացման ֆինասական օժանդակությունն իրականացրել է ՀՀ մշակույթի նախարարությունը:
Այս և այլ թեմաների մասին կարող եք մանրամասն ընթերցել armenpress.am կայք էջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում