Պուտինն ստորագրեց Պետական միգրացիոն քաղաքականության նոր հայեցակարգը
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: ՌԴ նախագահ Վլադիմիր Պուտինը հայտնել Է, որ ստորագրել Է «2019-2025 թվականներին ՌԴ պետական միգրացիոն քաղաքականության հայեցակարգի մասին» հրամանագիրը, տեղեկացնում Է «Արմենպրես»-ը՝ հղում անելով ՏԱՍՍ-ին:
«Այն ուղղված Է այդ թվում՝ ավելի հարմարավետ պայմանների ձեւավորմանը արտասահմանից հայրենակիցների Ռուսաստան՝ մշտական բնակության վայր վերաբնակեցման համար, մուտքի հստակ կանոնների ստեղծմանը եւ ապրելու, աշխատելու իրավունք ստանալուն, Ռուսաստանի քաղաքացիություն ձեռք բերելուն»,-պարզաբանել Է պետության ղեկավարը՝ ելույթ ունենալով արտասահմանում ապրող հայրենակիցների Համաշխարհային կոնգրեսի նիստում:
«Բազմաթիվ խնդիրները, խոչընդոտները, որոնց մասին խոսում Էին մեր հայրենակիցները, հանվել են»,-նշել Է Պուտինը: Ընդ որում՝ նա կոչ Է արել «տեսնել, թե ինչպես Է այն (հայեցակարգը) աշխատում գործնականում»: Հայեցակարգի նախորդ խմբագրույթը նախագահի կողմից հաստատվել Էր 2012 թվականի հունիսի 8-ին: Պետության ղեկավարը նաեւ հայտարարել Է, որ Ռուսաստանը աշխարհում լարվածության աճի պայմաններում վճռականորեն կպաշտպանի հայրենակիցների իրավունքներն ու շահերն արտասահմանում:
Բաժանորդագրվեք մեր ալիքին Telegram-ում