Հունան Պողոսյանի հավաստիացմամբ՝ ապրիլյան իրադարձությունների ժամանակ խաղաղ ցույցերը ցրելու վերաբերյալ կոնկրետ հանձնարարականներ չեն եղել
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում ապրիլյան իրադարձությունների ժամանակ խաղաղ ցույցերը ցրելու հրահանգներ չեն եղել: Կառավարության նիստից հետո լրագրողների հետ զրույցում այս մասին ասաց Սյունիքի նոր մարզպես Հունան Պողոսյանը, ով նախկինում զբաղեցնում էր ՀՀ փոխոստիկանապետի պաշտոնը:
«Ոստիկանությունը շատ ավելի հանդուժող էր, հատկապես հեղափոխության վերջին օրերին: Ես, որպես գեներալ, որպես պատվախնդիր մարդ, արել եմ հնարավոր ամեն ինչ, որ բախումներ չլինեն: Խաղաղ ցույցերը ցրելու վերաբերյալ կոնկրետ հանձնարարականներ չեն եղել: Եղել է իրավիճակի վերլուծություն և իրավիճակից ելնելով՝ ինչ-որ գործողություններ, և որպես կանոն, ոստիկանության ղեկավարությունը ձեռնպահ է մնացել կտրուկ միջոցներից»,- «Արմենպրես»-ի հաղորդմամբ՝ ասաց Հունան Պողոսյանը:
Բաժանորդագրվեք մեր ալիքին Telegram-ում